2-3-ші қыркүйек күндері "Мұнайтелеком" ЖШС Қаламқас кен орнында Мұнай-газ кешені қызметкерлері күні зор ықыласпен аталып өтті.

2-3-ші қыркүйек күндері "Мұнайтелеком" ЖШС Қаламқас кен орнында Мұнай-газ кешені қызметкерлері күні зор ықыласпен аталып өтті.

Мерекелік жиында Қаламқас кен орны қызметкерлерін төл мерекелерімен «Мұнайтелеком» ЖШС басшылары құттықтап, еңбегі еленген азаматтарды Құрмет грамоталарымен және Алғыс хаттармен марапаттады.

Мерекелік концертте күй тартылып, ән шырқалды, сахнада өнер көрсеткен "Жайдарман" командалары да көрермендердің көңілінен шықты. Қаламқас кен орнындағы мерекелік шаралардың негізгі бөлігі 3-ші қыркүйекте өтті. Мерекені тойлауға арнайы тігілген Ақбоз үйлерде мұнайшыларға арналған мәзірлі дастархан дайындалды.

Мереке мәдени астанамыз Алматыдан арнайы келген қонақтар, рухты әндерімен, қазақи болмысымен көпшіліктің көңілін тапқан "Алатау серілері" тобының концертімен жалғасты. Қаламқас сахнасында асқақ әндерін шырқаған эстрада жұлдыздары мұнайшылардың зор қошеметіне бөленді. Ертең Мұнай-газ кешені қызметкерлері күнін Жетібай кен орны мұнайшылары тойлайды.

Мұнайшылар күні құтты болсын, мерекелі күндеріміз көп болсын, еліміз аман, жұртымыз тыныш болсын, құрметті мұнайшылар!

11 қыркүйек 2025

АЛЫП